Cynnal cofrestru etholiadol - Cymru
Caniatáu ceisiadau i gofrestru
Caniatáu ceisiadau i gofrestru
Lle gwneir cais llwyddiannus mewn ymateb i wahoddiad i gofrestru (ITR)
Lle byddwch yn pennu bod gan berson hawl i gofrestru, rhaid i chi ychwanegu’r person i’r gofrestr ar y cyfle nesaf. Bydd hwn naill ai’n hysbysiad newid etholiad, neu gyhoeddiad y gofrestr ddiwygiedig.
Rhaid i chi anfon llythyr cadarnhad ysgrifenedig atynt sy’n cynnwys:
- y dyddiad y byddant yn cael eu hychwanegu at y gofrestr
- cadarnhad y byddant yn cael eu tynnu oddi ar y gofrestr mewn perthynas ag unrhyw gyfeiriad blaenorol, os cynhwyswyd y cyfeiriad hwnnw yn y cais
Rhaid i chi ddefnyddio’r llythyr rhagnodedig, “Cadarnhad o gais llwyddiannus (a wnaed mewn ymateb i ITR)”, a gymeradwywyd gan un o Weinidogion Cymru, ac sydd ar gael gan y Comisiwn. Rhaid i’r llythyr beidio â chael ei ddiwygio.1 Mae’r templedi llythyrau ar gael ar ein tudalen we ffurflenni a llythyrau.
Rhaid i chi anfon y llythyr cadarnhad cyn i’r ymgeisydd gael ei ychwanegu at y gofrestr (er enghraifft, cyn cyhoeddi’r hysbysiad newid etholiad nesaf, neu cyn cyhoeddi’r gofrestr ddiwygiedig, p’un bynnag sy’n gymwys).2
Gallwch anfon y llythyr cadarnhad at yr ymgeisydd:
- â llaw
- trwy'r post, neu
- trwy e-bost3
Lle nad yw cais digymell yn llwyddiannus (nid mewn ymateb i ITR)
Rhaid i chi ychwanegu’r person i’r gofrestr ar y cyfle nesaf. Bydd hwn naill ai’n hysbysiad newid etholiad, neu gyhoeddiad y gofrestr ddiwygiedig.
Rhaid i chi anfon llythyr cadarnhad ysgrifenedig atynt sy’n cynnwys:
- y dyddiad y byddant yn cael eu hychwanegu at y gofrestr
- cadarnhad y byddant yn cael eu tynnu oddi ar y gofrestr mewn perthynas ag unrhyw gyfeiriad blaenorol, os bu iddynt gynnwys y cyfeiriad hwnnw yn y cais
- manylion cyswllt yr ERO a chais bod yr ERO yn cael ei hysbysu os nad yw’r person a enwir fel yr ymgeisydd yn preswylio yn y cyfeiriad
Rhaid i chi ddefnyddio’r llythyr rhagnodedig, “Cadarnhad o gais llwyddiannus (digymell)”, a gymeradwywyd gan un o Weinidogion Cymru, ac sydd ar gael gan y Comisiwn. Rhaid i’r llythyr beidio â chael ei ddiwygio.4 Mae’r templedi llythyrau ar gael ar ein tudalen we ffurflenni a llythyrau.
Rhaid i chi anfon y llythyr cadarnhad cyn i’r ymgeisydd gael ei ychwanegu at y gofrestr (hynny yw, cyn cyhoeddi’r hysbysiad newid etholiad nesaf, neu cyn cyhoeddi’r gofrestr ddiwygiedig, p’un bynnag sy’n briodol).5
Gallwch anfon y llythyr cadarnhad at yr ymgeisydd:
- â llaw, neu
- trwy’r post6
Ni ellir anfon y llythyr hwn yn electronig.
Am ragor o wybodaeth ynghylch y dyddiadau cau ar gyfer cynnwys hysbysiad newid etholiad neu ddiwygiadau i’r gofrestr, gweler ein canllawiau ar gynnal y gofrestr trwy gydol y flwyddyn.
- 1. Rheoliad 29(2BF) RPR 2001 ↩ Back to content at footnote 1
- 2. Rheoliad 29(2BA) RPR 2001 ↩ Back to content at footnote 2
- 3. Rheoliad 29(2BB) RPR 2001 ↩ Back to content at footnote 3
- 4. Rheoliad 29(2BF) RPR 2001 ↩ Back to content at footnote 4
- 5. Rheoliad 29(2BA) RPR 2001 ↩ Back to content at footnote 5
- 6. Rheoliad 29(2BC)(a) RPR 2001 ↩ Back to content at footnote 6