Etholiad Senedd 2026: Gwariant plaid
Hysbysebu
Mae hyn yn cynnwys cost defnyddio, neu logi unrhyw:
- asiantaeth, unigolyn neu sefydliad
- gwasanaethau a ddarperir gan unrhyw asiantaeth, unigolyn neu sefydliad
- safleoedd neu gyfleusterau
- cyfarpar
a ddefnyddir i:
- baratoi, cynhyrchu neu hwyluso cynhyrchu deunydd hysbysebu
- dosbarthu neu hwyluso’r gwaith o rannu’r deunydd hysbysebu hwnnw gan ddefnyddio unrhyw ddull, gan gynnwys unrhyw gostau a briodolir i gynyddu gwelededd cynnwys mewn unrhyw ffordd.
Er enghraifft, llogi ffotograffydd a safleoedd i gynhyrchu delweddau i'w defnyddio mewn deunydd hysbysebu.
Er enghraifft, prynu safle mwy amlwg ar dudalen o fewn peiriant chwilio.
Mae’n cynnwys cost unrhyw feddalwedd, o unrhyw fath, i’w defnyddio ar unrhyw ddyfais er mwyn:
- dylunio a chynhyrchu deunydd hysbysebu yn fewnol
- rhannu neu hwyluso’r gwaith o ddosbarthu deunydd hysbysebu
boed y deunydd hwnnw’n cael ei ddosbarthu’n ddigidol, yn electronig neu mewn unrhyw ffordd arall.
Er enghraifft, ffi drwyddedu ar gyfer rhaglen feddalwedd i’w defnyddio ar ddyfais.
Mae’n cynnwys y gost o baratoi, cynhyrchu neu hwyluso’r gwaith o gynhyrchu deunydd hysbysebu ar gyfer:
- ei lawrlwytho a'i ddefnyddio gan eraill
- postio am y blaid, a’i hyrwyddo, drwy unrhyw fath o blatfform neu sianel cyfryngau cymdeithasol
Er enghraifft, costau cynhyrchu deunydd hysbysebu i hyrwyddo’r blaid a bostir ar dudalen cyfryngau cymdeithasol i annog dilynwyr i'w rannu.
Mae’n cynnwys y gost o gyrchu, prynu, datblygu a chynnal unrhyw rwydwaith digidol neu rwydwaith arall sy’n:
- hwyluso dosbarthu neu rannu deunydd hysbysebu mewn unrhyw ffordd
- hwyluso neu gynyddu gwelededd deunydd hysbysebu mewn unrhyw ffordd
Er enghraifft, prynu hunaniaethau digidol a ddefnyddir er mwyn gwneud i ddeunydd ymddangos fel pe bai wedi cael ei weld a’i gymeradwyo gan nifer fawr o ddefnyddwyr ar blatfform cyfryngau cymdeithasol.
Mae’n cynnwys costau:
- lletya a chynnal gwefan neu ddeunydd electronig/digidol arall sy’n hyrwyddo’r blaid
- dylunio a chreu’r wefan
- cyfran o unrhyw wefan neu ddeunydd sy’n cael ei sefydlu er mwyn sicrhau arian ar gyfer y blaid ond sydd hefyd yn hyrwyddo’r blaid yn ystod y cyfnod a reoleiddir
Mae’n cynnwys cost unrhyw hawliau neu ffi drwyddedu ar gyfer unrhyw ddelwedd a ddefnyddir wrth gynhyrchu deunydd hysbysebu.
Mae’n cynnwys cost prynu a defnyddio unrhyw gyfarpar arall sy’n gysylltiedig â:
- pharatoi, cynhyrchu neu hwyluso cynhyrchu’r deunydd hysbysebu
- rhannu deunydd hysbysebu drwy ddosbarthu neu drwy unrhyw fodd arall
Mae’n cynnwys cost:
- papur neu unrhyw gyfrwng arall y caiff deunydd hysbysebu ei argraffu arno
- arddangos hysbysebion yn ffisegol mewn unrhyw leoliad, er enghraifft rhwymyn cebl neu lud ar gyfer gosod posteri
Mae’n cynnwys cost prynu, llogi neu ddefnyddio:
- cyfarpar llungopïo
- cyfarpar argraffu
i'w defnyddio wrth argraffu deunydd hysbysebu.
Mae’n cynnwys cyfran berthnasol o gost:
- swyddfa
- ardrethi busnes
- trydan
- rhentu ffôn a mynediad at y rhyngrwyd
mewn cysylltiad â:
- pharatoi, cynhyrchu neu hwyluso cynhyrchu’r deunydd hysbysebu
- rhannu deunydd hysbysebu drwy ddosbarthu neu drwy unrhyw fodd arall
Mae’n cynnwys cost bwyd a/neu lety ar gyfer unrhyw unigolyn sy’n darparu gwasanaethau o ran hysbysebu deunyddiau ar gyfer y blaid, lle telir neu ad-delir hynny gan y blaid.
Deunydd y gellir ei lawrlwytho
Os ydych yn rhoi deunydd ar wefan i bobl ei argraffu ar gyfer eu defnydd personol, fel posteri ffenestr neu ffurflenni deiseb, mae’r costau dylunio a’r costau gwefan yn cyfrif fel gwariant ar ymgyrch. Nid oes rhaid i chi gyfrif costau argraffu pobl yn erbyn eich terfyn gwariant, gan y bydd y costau yn isel iawn.
Os yw’r deunydd yn gallu cael ei argraffu a’i ddosbarthu i bleidleiswyr -er enghraifft taflen - bydd angen i chi nodi’r glir sut yr ydych yn disgwyl i bobl ei ddefnyddio. Os ydych yn awdurdodi defnydd ehangach o’r deunydd, mae’n bosibl y bydd y costau yn cyfrif fel gwariant ar ymgyrch, pwy bynnag sy’n gwneud yr argraffu.