Gostyngiadau masnachol yw’r rhai sydd ar gael i gwsmeriaid tebyg eraill, megis gostyngiadau ar gyfer archebion mawr neu ostyngiadau tymhorol. Ni fydd eitemau, nwyddau a gwasanaethau sy’n cael eu prynu gyda gostyngiadau masnachol yn cael eu trin fel gwariant tybiannol.
Gostyngiadau anfasnachol yw gostyngiadau arbennig a roddir i chi gan gyflenwyr. Mae hyn yn cynnwys unrhyw gyfradd arbennig nad yw ar gael ar y farchnad agored. Mae’r rhain yn wahanol i ostyngiadau masnachol sydd ar gael i bob cwsmer, fel gostyngiadau ar gyfer archebion mawr neu ostyngiadau tymhorol.
Er enghraifft, mae argraffydd yn darparu ymgeisydd gyda dyfynbris o £120 i argraffu taflenni i hyrwyddo ymgyrch yr ymgeisydd. Mae’r argraffydd hefyd yn cynnig 5% o ostyngiad ar yr archeb oherwydd ei fod yn hoff o bolisïau’r ymgeisydd. Mae’r ymgeisydd yn talu am y taflenni, yn cymryd y gostyngiad, ac yn trefnu i’r taflenni gael eu hanfon at bleidleiswyr.
Er bod y taflenni wedi eu darparu ar gyfer defnydd yr ymgeisydd ar bris gostyngol anfasnachol, nid yw’r gostyngiad dros 10%. Nid gwerthiant tybiannol yw hyn. Mae’n rhaid i’r ymgeisydd adrodd am y £116 a dalwyd am y taflenni fel taliad arferol a wnaed gan yr asiant.