Bydd yn rhaid i chi gyhoeddi hysbysiadau newid misol ar ddiwrnod gwaith cyntaf bob mis. Fodd bynnag, ni fydd yn rhaid i chi gyhoeddi hysbysiad newid misol yn ystod y mis pan fyddwch yn cyhoeddi'r gofrestr ddiwygiedig nac yn ystod y ddeufis cyn y diwrnod hwnnw, ond gallwch wneud hynny os dymunwch. 1
Os caiff y gofrestr ei chyhoeddi ym mis Tachwedd, bydd hyn yn golygu na fydd yn rhaid i chi gyhoeddi hysbysiad newid misol ym mis Medi, mis Hydref na mis Tachwedd. Os caiff ei chyhoeddi ym mis Rhagfyr, ni fydd yn rhaid i chi gyhoeddi hysbysiad newid misol ym mis Hydref, mis Tachwedd na mis Rhagfyr.
Rydym wedi cyhoeddi dogfen sy'n dangos erbyn pryd y bydd yn rhaid cyhoeddi diweddariadau misol, ac, yn seiliedig ar y dyddiadau hynny, pryd y bydd yn rhaid gwneud ceisiadau a phryd y bydd angen i chi benderfynu ar y ceisiadau hynny i'w cynnwys mewn diweddariad misol penodol, neu hysbysiad newid etholiad.