Hysbysiadau deiseb newid

Pan fydd hysbysiad Llefarydd mewn perthynas â deiseb adalw wedi'i roi ar gyfer un o etholaethau Senedd y DU, mae'n ofynnol i'r Swyddog Deisebau gyhoeddi cofrestr deiseb ar y trydydd diwrnod gwaith cyn i'r cyfnod llofnodi ddechrau. 

Bydd gan unrhyw etholwr ar gyfer yr etholaeth berthnasol sy'n gwneud cais ar y diwrnod y rhoddwyd hysbysiad y Llefarydd neu'r diwrnod cyn hynny, ac y bydd penderfyniad ynghylch ei gais cyn cyhoeddi cofrestr y ddeiseb (y diwrnod olaf) yr hawl i lofnodi'r ddeiseb.1

Mae'n ofynnol i chi gyhoeddi hysbysiad deiseb newid ar y diwrnod olaf, sy'n manylu ar ychwanegiadau, newidiadau a dileadau sydd mewn pryd, yn ogystal ag unrhyw newidiadau o ganlyniad i orchmynion llys neu wallau clercol. 

Dim ond pan geir yr hysbysiad newid misol nesaf neu pan gyhoeddir y gofrestr ddiwygiedig, pa un bynnag sydd gynharaf, y bydd penderfyniadau sy'n ymwneud ag etholaethau eraill, neu'r gofrestr llywodraeth leol yn unig, yn dod i rym.

Bydd angen bod trefniadau ar waith gennych er mwyn gwybod a yw cais wedi cyrraedd cyn y dyddiad cau ai peidio.

Os nad chi yw'r Swyddog Deisebau, bydd angen i chi gytuno ag ef ynghylch sut y byddwch yn darparu'r hysbysiadau perthnasol ar gyfer yr etholaeth neu'r rhan o'r etholaeth rydych yn gyfrifol amdani. Mae hyn yn cynnwys unrhyw hysbysiadau a roddwyd o ganlyniad i orchmynion llys neu wallau clercol hyd at ddiwedd y cyfnod llofnodi.

Mae'r tabl canlynol yn nodi'r amserlen ar gyfer gwneud ceisiadau a phenderfyniadau mewn da bryd i'w cynnwys yn yr hysbysiad deiseb newid:   

Proses Cofrestr y Ddeiseb Dyddiad cau
Dyddiad cau ar gyfer derbyn ceisiadau (ceisiadau newydd a diwygiadau i gofnodion presennol) Y dyddiad y rhoddir hysbysiad y Llefarydd
Dyddiad cau ar gyfer penderfynu; dyddiad cau ar gyfer dileu; dyddiad cau ar gyfer derbyn ceisiadau cofrestru dienw a phenderfynu arnynt     Ar ddiwrnod cyhoeddi'r hysbysiad deiseb newid
Cyhoeddi'r hysbysiad deiseb newid a'i ddarparu i'r Swyddog Deisebau 3 diwrnod gwaith cyn dechrau'r cyfnod llofnodi
Y dyddiad cau ar gyfer gwneud rhagor o newidiadau o ganlyniad i orchmynion llys neu wallau clercol Cyn yr amser penodedig ar ddiwrnod olaf y cyfnod llofnodi (h.y. 1 awr cyn diwedd y cyfnod llofnodi ar y diwrnod llofnodi olaf).

Mae rhagor o ganllawiau ar ddarparu'r gofrestr i'r Swyddog Deisebau ar gael yn ein hadnodd ar gyfer Swyddogion Cofrestru Etholiadol yng Nghymru, Lloegr a'r Alban. 

Diweddarwyd ddiwethaf: 28 Medi 2023