Cyhoeddi cofrestr ddiwygiedig unrhyw bryd yn ystod y flwyddyn

Ar wahân i'r gofyniad i gyhoeddi cofrestr ddiwygiedig yn dilyn y canfasiad blynyddol, gallwch ddiwygio'r gofrestr unrhyw bryd y bydd angen gwneud hynny, yn eich barn chi. Er enghraifft, bydd angen i chi gyhoeddi cofrestr ddiwygiedig yn dilyn adolygiad o ffiniau llywodraeth leol neu er mwyn cynnal adolygiad o ddosbarthiadau a mannau pleidleisio a wneir gan yr awdurdod lleol. 

Os byddwch yn penderfynu diwygio eich cofrestr, bydd yn rhaid i chi gyhoeddi hysbysiad 14 diwrnod calendr cyn y dyddiad cyhoeddi.1  

Bydd yn rhaid i'ch cofrestr ddiwygiedig gynnwys yr holl ychwanegiadau a'r ceisiadau am ddiwygiadau i'r gofrestr o ganlyniad i geisiadau llwyddiannus sydd wedi bodloni'r dyddiad cau ar gyfer cael eu cynnwys. 

Ni ddylid cynnwys enwau unigolion o unrhyw ffynonellau data eraill nac ymatebion i ohebiaeth ganfasio ar y gofrestr oni chaiff cais llwyddiannus i gofrestru ei wneud a'i  benderfynu gennych chi cyn y dyddiad cau ar gyfer penderfyniadau mewn perthynas â'r gofrestr honno. 

Dylech hefyd fynd ati i ddileu unrhyw beth y gwnaethoch benderfynu arno mewn da bryd iddo gael ei adlewyrchu yn y gofrestr ddiwygiedig ers cyhoeddi'r hysbysiad newid diwethaf.2