Cynnal cofrestru etholiadol - Cymru

Fel rhan o’ch gweithgarwch drwy gydol y flwyddyn i gynnal cofrestr gywir a chyflawn, efallai y byddwch yn dymuno cynnal ymholiadau â chartrefi penodol y tu hwnt i’r cyfnod canfasio i gadarnhau a oes unrhyw newidiadau mewn meddiannaeth, ac i ganfod am enwau unrhyw etholwyr newydd posibl.

Byddwch hefyd yn cael gwybod am newidiadau posibl mewn deiliadaeth mewn cyfeiriadau drwy eich gweithgarwch drwy gydol y flwyddyn i nodi etholwyr newydd posibl ac etholwyr y dylid eu tynnu eu henwau oddi ar y gofrestr. Gallwch ddod o hyd i newidiadau posibl mewn meddiannaeth drwy:

• archwilio cofnodion lleol eraill, megis y Dreth Gyngor, Tai, a Chofrestrwyr
• gael gwybod am newid mewn meddiannaeth gan etholwyr, er enghraifft lle y maent wedi symud a chofrestru yn rhywle arall
• cael gwybod am newid mewn meddiannaeth gan drydydd parti
• cael gwybod am eiddo newydd ac archwilio cofnodion adrannau eraill yr awdurdod lleol
• bod yn ymwybodol o eiddo sy’n dueddol o gael llawer o newidiadau drwy gydol y flwyddyn, megis tai amlfeddiannaeth - gweler ein canllawiau ar gadw mewn cysylltiad â phobl gyfrifol

Lle cawsoch enw a chyfeiriad etholwyr posibl, mae’n rhaid i chi eu gwahodd i gofrestru.Gallwch hefyd eu hannog i gofrestru cyn anfon gwahoddiad ffurfiol atynt i gofrestru.

Lle nad oes gennych ddigon o wybodaeth i wahodd unigolion i gofrestru (megis enwau preswylwyr newydd) ond rydych yn ymwybodol y gall newid mewn deiliadaeth fod wedi digwydd, gallech ddefnyddio gohebiaeth dewisol i ganfod enwau etholwyr newydd posibl cyn eu gwahodd neu eu hannog i gofrestru. Gallai cael ymateb i gyfathrebiad dewisol hefyd weithredu fel ail ffynhonnell wybodaeth ar gyfer dileu enwau etholwyr.

Mae’r gweithgareddau hyn ar wahân i’ch dyletswydd i archwilio data lleol er mwyn nodi etholwyr posibl dan brosesau cofrestru yn awtomatig, ond gellir eu gwneud ar y cyd â’r ddyletswydd honno. Mae rhagor o wybodaeth ar gael yn ein canllawiau ar gofrestru pleidleiswyr yn awtomatig.