Nid yw'n ofynnol i gais i gofrestru a wneir yn ysgrifenedig (ar bapur) gael ei wneud ar ffurflen benodol. Fodd bynnag, mae'n rhaid i'r cais gynnwys yr holl wybodaeth sydd ei hangen ar gyfer cais dilys. Gall ffurflenni gael eu hanfon drwy'r post, eu dosbarthu â llaw neu eu hanfon yn electronig, er enghraifft drwy ffacs neu ar ffurf copi wedi'i sganio a anfonir drwy e-bost.
Os ydych yn darparu ffurflenni nad ydynt wedi'u llenwi ymlaen llaw, gallwch eu cyflenwi ar ffurf copi caled neu'n electronig, fel y gellir eu hargraffu, eu cwblhau a'u hanfon atoch.
Mae'n rhaid mai'r ffurflen1
a gymeradwywyd gan y Gweinidog dros Adran Lefelu i Fyny, Tai a Chymunedau, ar y cyd â Gweinidog Cymru, ac a ddarparwyd gan y Comisiwn, yw'r ffurflen a ddarperir gyda gwahoddiad i gofrestru.2
Mae'r ffurflen yn cynnwys lle i chi ychwanegu eich manylion cyswllt, gwybodaeth gan yr awdurdod lleol, rhif cyfeirnod unigryw, cod diogelwch a chod bar.
Os byddwch yn derbyn cais ysgrifenedig nad yw wedi'i gyflwyno ar ffurflen gais, dylech gadarnhau ei fod yn cynnwys yr holl wybodaeth angenrheidiol. Os yw'n anghyflawn, dylech ddilyn y broses o nodir yn ceisiadau anghyflawn.
Os byddwch yn derbyn cais ysgrifenedig nad yw wedi'i wneud ar y ffurflen gymeradwy ac nad yw'n cynnwys esboniad o'r cofrestrau llawn ac agored sy'n defnyddio'r ffurf fer ar eiriau a ragnodwyd, dylech ysgrifennu at yr ymgeisydd i'w darparu. Dylech nodi ei ddewis presennol o ran cael ei gynnwys ar y gofrestr agored, gan gynnwys esboniad o'r ffordd y gall newid ei ddewis os bydd yn dymuno gwneud hynny.
Os byddwch yn derbyn cais ysgrifenedig gan unigolyn o dan 16 oed nad yw wedi'i wneud ar y ffurflen a gymeradwywyd, nid oes angen i chi ddarparu'r ffurf fer ar eiriau a ragnodwyd. Y rheswm dros hyn yw bod unigolyn o dan 16 oed yn cael ei optio allan o'r gofrestr olygedig yn awtomatig.