Rhaid i undeb llafur fod wedi'i restru fel undeb llafur gan y Swyddog Ardystio er mwyn bod yn ffynhonnell a ganiateir.1
Dylech edrych ar y rhestr swyddogol o undebau llafur gweithredol ar wefan y Swyddog Ardystio.
Cymdeithasau adeiladu
Rhaid i gymdeithas adeiladu fod yn gymdeithas adeiladu o fewn ystyr Deddf Cymdeithasau Adeiladu 1986 er mwyn bod yn ffynhonnell a ganiateir.2
Dylech edrych ar y rhestr o gymdeithasau adeiladu sydd wedi'u cofrestru gan yr Awdurdod Ymddygiad Ariannol ar y Gofrestr Gyhoeddus o Gwmnïau Cydfuddiannol.
Cymdeithasau cyfeillgar a chymdeithasau diwydiannol a darbodus
Rhaid i gymdeithasau cyfeillgar a chymdeithasau diwydiannol a darbodus fod wedi'u cofrestru o dan Ddeddf Cymdeithasau Cyfeillgar 1974, Deddf Cymdeithasau Cydweithredol a Chymdeithasau Budd Cymunedol 2014 neu Ddeddf Cymdeithasau Diwydiannol a Darbodus (Gogledd Iwerddon) 1969 er mwyn bod yn ffynhonnell a ganiateir.3
Dylech edrych ar y Gofrestr Gyhoeddus o Gwmnïau Cydfuddiannol a gynhelir gan yr Awdurdod Ymddygiad Ariannol.
Beth sydd angen i chi ei gofnodi?
Bydd angen i chi gofnodi:
enw'r rhoddwr
y cyfeiriad, fel y mae'n ymddangos ar y gofrestr berthnasol4
1. Atodlen 11, para. 6(1)(a) ac Adran 54(2)(d) o Ddeddf Pleidiau Gwleidyddol, Etholiadau a Refferenda 2000↩ Back to content at footnote 1
2. Atodlen 11, para. 6(1)(a) ac Adran 54(2)(e) o Ddeddf Pleidiau Gwleidyddol, Etholiadau a Refferenda 2000 ↩ Back to content at footnote 2
3. Atodlen 11, para. 6(1)(a) ac Adran 54(2)(g) o Ddeddf Pleidiau Gwleidyddol, Etholiadau a Refferenda 2000 ↩ Back to content at footnote 3
4. Atodlen 11, para. 10(1)(c) ac Atodlen 6, para. 2(6), (7) a (9) o Ddeddf Pleidiau Gwleidyddol, Etholiadau a Refferenda 2000↩ Back to content at footnote 4