Pa adnoddau sydd eu hangen i reoli gweithgarwch llythyrau hysbysu cartrefi?  

Bydd angen adnoddau arnoch i wneud y canlynol: 

• prosesu unrhyw gofrestriadau newydd o ganlyniad i anfon y llythyrau 
• cynnal adolygiadau cofrestru neu geisio ail ddarn o dystiolaeth lle y bo'n ofynnol i ddileu etholwyr nad ydynt yn byw mewn cyfeiriad penodol mwyach
• ymdrin ag unrhyw ymholiadau gan etholwyr o ganlyniad i'r llythyr

Bydd angen i chi hefyd benderfynu ar y trefniadau ymarferol ar gyfer cynnal y gweithgaredd a'r goblygiadau o ran costau ac adnoddau ychwanegol. Er enghraifft, a fyddwch yn argraffu'r llythyrau yn fewnol neu'n defnyddio cyflenwr allanol? A fyddwch yn defnyddio canfaswyr i ddosbarthu'r llythyrau, neu'n defnyddio gwasanaeth post?