Os na all ymgeisydd brofi pwy ydyw drwy gyflwyno'r mathau o dystiolaeth ddogfennol sy'n ofynnol gan y broses eithriadau, a digon o'r mathau hynny, dylech ysgrifennu ato yn rhoi gwybod iddo am hyn ac yn gofyn iddo gyflwyno ardystiad i ategu ei gais.
Ardystio yw'r opsiwn olaf yn y broses o gadarnhau pwy yw ymgeisydd. Dim ond ar ôl dilyn pob un o'r camau dilysu eraill, sef proses baru'r Adran Gwaith a Phensiynau, paru data lleol (lle y bo'n briodol) a'r broses eithriadau, heb lwyddo i gadarnhau pwy yw'r ymgeisydd, y gall ymgeisydd ddefnyddio'r broses ardystio i brofi pwy ydyw.1