Cynnal cofrestru etholiadol - Cymru

Gall etholwr cartref wneud cais i bleidlais bost fod ar waith am gyfnod penodol neu am gyfnod hiraf o hyd at dair blynedd. Mae’r cyfyngiad ar yr amser y gall trefniant bleidlais bost fod ar waith ar ei gyfer yn golygu os yw’r etholwr yn dymuno i’r trefniant barhau ar waith, bydd angen iddo wneud cais newydd pan ddaw cyfnod ei drefniant presennol i ben.

Mae’n rhaid i chi roi gwybod i etholwyr cartref sydd â threfniant pleidlais bost ar waith am y cyfnod hiraf posibl cyn i’r trefniant ddod i ben i roi gwybod iddynt am y dyddiad y daw eu trefniant i ben a sut i wneud cais newydd.

Mae rhagor o wybodaeth ar gael yn ein canllawiau ar reoli’r broses ar gyfer rhoi gwybod i bleidleiswyr post o’r angen i ail-ymgeisio.

Diweddaru gofynion i etholwyr sydd â threfniant pleidleisio drwy ddirprwy ar gyfer unrhyw etholiad (ac eithrio etholwyr tramor)

Bydd etholwyr sydd â threfniant pleidleisio drwy ddirprwy ar gyfer unrhyw etholiad (ac eithrio etholwyr tramor) yn cael gwybod pan fydd eu llofnod ar y cofnod dynodyddion personol yn fwy na phum mlwydd oed o’r angen am lofnod newydd er mwyn i’w trefniant pleidlais drwy ddirprwy barhau. Mae rhagor o wybodaeth ar gael yn ein canllawiau ar ddiweddaru llofnodion pleidleisio absennol.

Etholwyr tramor gyda threfniadau pleidleisio absennol ar gyfer etholiadau Senedd y DU

Mae’r trefniadau pleidleisio absennol ar gyfer etholwyr tramor yn gysylltiedig â’u cofrestriad etholiadol. Mae angen iddynt ail-ymgeisio am eu trefniant pleidleisio drwy’r post neu ddiweddaru eu llofnod pleidleisio drwy ddirprwy pan fyddant yn diweddaru eu cofrestriad fel etholwr tramor.

I gael rhagor o wybodaeth, gweler ein canllawiau ar etholwyr tramor.