Cynnal cofrestru etholiadol - Cymru

Mae’n rhaid i’r gwaith diweddaru pleidlais drwy ddirprwy ar gyfer etholwyr ar wahân i’r rhaid sydd wedi cofrestru fel etholwyr tramor gael ei wneud pob blwyddyn ar gyfer y pleidleiswyr drwy ddirprwy y daw eu llofnodion yn fwy na phum mlwydd oed yn y 12 mis ers y diweddariad diwethaf. Erbyn 31 Ionawr pob blwyddyn, mae’n rhaid i chi anfon hysbysiad ysgrifenedig  at bob pleidleisiwr drwy ddirprwy y mae ei lofnod yn fwy na phum mlwydd oed.1

Nid oes gan bleidleiswyr drwy ddirprwy sydd wedi cael caniatâd am hepgoriad lofnod wedi’i gadw ar gofnod ac nid yw’r darpariaethau diweddaru yn effeithio arnynt.

Trefniadau pleidleisio drwy ddirprwy am gyfnod amhenodol ar gyfer etholwyr tramor 

Mae trefniant pleidleisio drwy ddirprwy am gyfnod amhenodol etholwr tramor yn uniongyrchol gysylltiedig â’i gofrestriad etholiadol a bydd yn gofyn i lofnod newydd gael ei ddarparu erbyn y trydydd 1 Tachwedd a gaiff ei gyfrifo o’r dyddiad gwreiddiol a gafodd ei ychwanegu at y gofrestr.

Mae eithriad yn bodoli lle mae’r cais am bleidlais drwy ddirprwy wedi cael ei wneud ar neu ar ôl 1 Gorffennaf ond cyn 1 Tachwedd yn yr un flwyddyn ag y mae’r datganiad etholwr tramor ar fin dod i ben. Yn yr achosion hyn, ni fydd angen i’r etholwr tramor ddarparu llofnod newydd pan ddaw’r datganiad presennol i ben ar 1 Tachwedd ac ni fydd angen iddo wneud hynny tan mae’r datganiad angen ei ddiweddaru 3 blynedd yn ddiweddarach.