Cynnal cofrestru etholiadol - Cymru

Archwilio hen gopïau o'r gofrestr lawn

Dylech gadw hen gopïau o’r gofrestr lawn a’r rhestr o etholwyr tramor cyn hired ag sy'n ymarferol, naill ai ar ffurf ddigidol neu gopi caled.

Gall cadw cofrestrau hanesyddol eich helpu pan fyddwch yn prosesu ceisiadau etholwyr tramor os ydych yn gwirio cofrestriad blaenorol ymgeisydd.

Fodd bynnag, ni ddylech ddarparu mynediad i gofrestr na dogfennau eraill ac eithrio’r fersiynau cyfredol. 

Gall llyfrgelloedd a gwasanaethau archifau awdurdodau lleol, y Llyfrgell Brydeinig, Llyfrgell Genedlaethol Cymru, a’r Bwrdd Ystadegau sy’n cadw copïau o’r gofrestr lawn (a gwybodaeth gysylltiedig arall) ganiatáu i fersiynau hŷn gael eu harchwilio1 .Felly, gallech gyfeirio ymholiadau am fersiynau hŷn at unrhyw un o’r cyrff hyn.