Cynnal cofrestru etholiadol - Cymru

Dylech sicrhau bod etholwyr yn ymwybodol os nad oes ganddynt un o'r mathau hyn o ID ffotograffig a dderbynnir, mae ganddynt yr opsiwn i wneud cais am Dystysgrif Awdurdod Pleidleisiwr. Gallant wneud hyn ar-lein neu drwy ddefnyddio ffurflen gais bapur.  

Dylech gynnwys cysylltiad i borth ceisiadau GOV.UK am y Dystysgrif Awdurdod Pleidleisiwr ar wefan eich awdurdod lleol. Gallech hefyd sicrhau bod y ffurflen ar gael i’w lawrlwytho, neu gynnwys cysylltiad i’r ffurflenni sydd ar gael o’n gwefan. Dylech hefyd ystyried cyhoeddi’r dyddiad cau ar gyfer dychwelyd ceisiadau cyn unrhyw etholiadau perthnasol.

Dylech sicrhau bod gennych ddigon o ffurflenni cais papur rhag ofn nad yw’r etholwr yn gall ei hargraffu eu hunain a’u bod ddim yn gallu defnyddio’r porth ceisiadau ar-lein..

Dylid hefyd sicrhau bod deunyddiau hyrwyddo sy’n amlygu’r angen am ID ffotograffig, megis posteri a thaflenni ar gael yn holl swyddfeydd cyhoeddus yr awdurdod lleol ac mewn lleoliadau eraill y mae etholwyr yn mynd iddynt yn aml, megis:

• swyddfeydd post
• llyfrgelloedd
• meddygfeydd
• Canolfannau Cyngor ar Bopeth

Dylech sicrhau bod pleidiau gwleidyddol, ymgeiswyr ac asiantiaid mewn etholiadau yn ymwybodol o’u cyfrifoldebau mewn perthynas â thrin ceisiadau am y Dystysgrif Awdurdod Pleidleisiwr Dylent fod ar gael i roi gwybod i bleidleiswyr am yr angen am ID ffotograffig a sut y gallant wneud cais, ond ni ddylent drin unrhyw ffurflenni cais sydd wedi’u cwblhau gan eu bod yn cynnwys gwybodaeth bersonol sensitif.  

Mae'r Comisiwn wedi datblygu Cod Ymddygiad ar gyfer ymgyrchwyr mewn etholiadau a refferenda. Dylech ymgysylltu â’r Swyddog Canlyniadau (os nad chi yw’r Swyddog Canlyniadau hefyd) mewn unrhyw etholiadau sy’n cael eu cynnal er mwyn sicrhau y darperir copïau o’r Cod Ymddygiad ar gyfer ymgyrchwyr mewn etholiadau a refferenda i bob ymgeisydd ac asiant, a’u bod yn gwybod sut i gael copïau ychwanegol os bydd angen.

Mae’r Cod yn rhoi canllaw ynghylch yr hyn a ystyrir i fod yn ymddygiad derbyniol ac annerbyniol mewn gorsafoedd pleidleisio ac yn y gymuned cyn y diwrnod pleidleisio, gan gynnwys mewn perthynas â cheisiadau am Dystysgrif Awdurdod Pleidleisiwr. Dylid codi unrhyw ofidion bod y cod wedi’i dorri gyda’r ymgeisydd, asiant, plaid wleidyddol neu ymgyrchydd yn gyntaf. Os oes gennych ofidion pellach neu os hoffech roi gwybod bod y cod wedi’i dorri, dylech gysylltu yn gyntaf a thîm lleol y Comisiwn.

Cytunwyd ar y cod hwn gan y pleidiau gwleidyddol a gynrychiolir gan Banel Pleidiau Seneddol Tŷ’r Cyffredin a’r paneli ar gyfer Senedd yr Alban a Senedd Cymru, ac mae wedi’i gefnogi gan aelodau Bwrdd Cydlynu a Chynghori Etholiadol y DU y Comisiwn Etholiadol o Uwch-swyddogion Canlyniadau a Chofrestru Etholiadol a gan Ford Gron Uniondeb Etholiadol.