Mae'n bosibl y bydd angen cymorth ar yr ymgeisydd i ddarparu llun gyda'i ffurflen gais bapur.
Gallai'r mathau o gymorth gynnwys:
tynnu llun ohono'i hun
deall y gofynion penodol ar gyfer y llun
lanlwytho llun er mwyn anfon drwy e-bost
Gallech gynghori ymgeisydd i gyflwyno ei gais papur â llaw a gwneud trefniadau i dynnu ei lun pan fydd yn cyflwyno'r ffurflen.
Bydd angen i chi ddarparu ardal er mwyn tynnu'r lluniau hyn, gyda chefndir plaen. Yn achos etholwyr y gall fod angen iddynt dynnu gorchudd wyneb at ddiben y llun, bydd angen i chi ystyried hefyd sut y gallwch ddarparu:
ardal breifat
aelod o staff y mae'r unigolyn yn gyfforddus yn tynnu gorchudd wyneb o'i flaen
drych er mwyn rhoi gorchudd wyneb yn ei ôl ar ôl tynnu llun
Os bydd yr ymgeisydd yn adnabod rhywun a all ei helpu drwy dynnu llun, megis aelod o'r teulu, gofalwr, neu weithiwr cymorth, gallech ei gynghori i gyflwyno'r cais papur â llaw, drwy'r post neu'n electronig drwy e-bost ac yna anfon copi wedi'i sganio neu lun digidol o'r llun drwy e-bost. Mae'n bwysig bod unrhyw lun neu ffeil yn dangos yn glir i ba ymgeisydd y mae'n perthyn.