Y rhesymau dros optio allan o’r broses cofrestru pleidleiswyr yn awtomatig
Gallwch atal y broses cofrestru awtomatig ar gyfer unigolyn dan yr amgylchiadau canlynol:1
mae’r unigolyn wedi ysgrifennu atoch i’ch hysbysu nad yw’n dymuno cofrestru - nid oes angen rheswm
nid ydych yn fodlon mwyach bod gan yr unigolyn rydych wedi’i nodi yr hawl i gael ei gofrestru yn y gofrestr o etholwyr llywodraeth leol. Gall hyn fod o ganlyniad i gael gwybodaeth gan yr unigolyn ei hun neu fel arall.
Gallai’r math o wybodaeth a ddarparwyd gynnwys y canlynol:
mae unigolyn arall yn cadarnhau nad yw’r unigolyn yn breswylydd yn y cyfeiriad yr anfonwyd yr hysbysiad iddo
mae’r unigolyn yn cadarnhau ei fod yn byw mewn cyfeiriad gwahanol a'r cyfeiriad rydych wedi’i nodi yw ei ail gartref neu eiddo rhent ac ni ddylid ei drin fel preswylydd yno
mae’r unigolyn wedi symud
mae’r unigolyn wedi marw
mae’r unigolyn yn rhoi gwybod i chi ei fod yn dymuno gwneud cais am gofnod dienw ar y gofrestr llywodraeth leol neu mae eisoes wedi gwneud hynny.
Lle mae rhywun yn eich hysbysu ei fod yn dymuno gwneud cais am gofrestriad dienw, dylech anfon ffurflen gais a chanllawiau ato ar y mathau o dystiolaeth neu ardystiad sy’n ofynnol. Mae rhagor o wybodaeth ar gael yn ein canllawiau ar gofrestru’n ddienw.