Cynnal cofrestru etholiadol - Cymru

Ni ddylai data a ddatgelir i chi dan eich pwerau cyrchu ac archwilio gael ei ddatgelu i unrhyw unigolyn arall ac eithrio ar gyfer naill ai:1

• y diben o bennu hawl i gofrestru heb gais
• y diben o unrhyw achosion troseddol neu sifil.2

Os oes unrhyw un yn rhoi dogfen wreiddiol i chi sy’n ymwneud â’i gymhwysedd i gofrestru mae’n rhaid i chi wneud copi o’r ddogfen honno a dychwelyd y ddogfen wreiddiol at yr unigolyn a’i darparodd.3  Gall y copi fod yn electronig. 

Dylech sicrhau bod eich polisïau cadw a gwaredu ynghylch defnyddio a storio data yn cael eu diweddaru i gynnwys eich swyddogaethau dan gofrestru pleidleiswyr yn awtomatig. 

Mae rhagor o wybodaeth ar gael yn ein canllawiau ar ystyriaethau diogelu data wrth gyrchu data personol, archwilio cofnodion y cyngor, storio dogfennau a storio data.