Cynnal cofrestru etholiadol - Cymru

| Argraffu'r canllawiau llawn

Mathau o ddogfennau ar gyfer y broses eithriadau mewn perthynas â cheisiadau am bleidlais bost

Dylai ceisiadau am bleidlais bost lle nad ydynt yn paru â'r Adran Gwaith a Phensiynau gael eu cyfeirio at y broses eithriadau.

Dylai'r dogfennau sydd eu hangen i gadarnhau pwy yw ymgeisydd yn llwyddiannus gyfeirio at yr ymgeisydd wrth ei enw ac mae'r mathau o ddogfennau y mae'n rhaid eu darparu ar gyfer etholwyr domestig, a'r nifer, fel a ganlyn:

  • unrhyw un ddogfen o dabl 1
  • un ddogfen o dabl 2 a dwy ddogfen ychwanegol o naill ai dable 2 neu dabl 3
  • pedair dogfen o dabl 3
Tabl 1: Ddogfennau adnabod cynradd1
DogfenNodiadau
pasbort yr ymgeisyddunrhyw basport cyfredo
cerdyn adnabod yr ymgeisydd a gyhoeddwyd gan yr Ardal Economaidd Ewropeaidd Rhaid bod yn ddilys 
dogfen mewnfudo fiometrig yr ymgeisydd a gyhoeddwyd yn y Deyrnas Unedig yn unol â rheoliadau a wnaed o dan adran 5 o Ddeddf Ffiniau 20072 Rhaid bod yn ddilys 
cerdyn adnabod etholiadol yr ymgeisydd a gyflwynwyd yng Ngogledd Iwerddon Rhaid bod yn ddilys 
trwydded yrru cerdyn-llun a roddwyd yn y Deyrnas Unedig neu drwydded yrru a roddwyd gan un o Diriogaethau Dibynnol y Goron, sydd â llun o'r ymgeisydd Rhaid bod yn ddilys (trwydded llawn neu dros dro) 

 

Tabl 2: Dogfennau  Llywodraeth Dibynadwy3
DogfenNodiadau
tystysgrif geni'r ymgeisyddWedi'i gyhoeddi yn y Deyrnas Unedig neu Dibynwledydd y Goron yn unig 
tystysgrif priodas neu bartneriaeth sifil yr ymgeisyddWedi'i gyhoeddi yn y Deyrnas Unedig neu Dibynwledydd y Goron yn unig 
tystysgrif mabwysiadu'r ymgeisyddWedi'i gyhoeddi yn y Deyrnas Unedig neu Dibynwledydd y Goron yn unig 
tystysgrif arfau tanio'r ymgeisydd a roddwyd o dan Ddeddf Arfau Tanio 1968Wedi'i gyhoeddi yn y Deyrnas Unedig neu Dibynwledydd y Goron yn unig 
cofnod penderfyniad ar fechnïaeth a wnaed mewn perthynas â'r ymgeisydd yn unol ag adran 5(1) o Ddeddf Mechnïaeth 1976Wedi'i gyhoeddi yn y Deyrnas Unedig neu Dibynwledydd y Goron yn unig 
trwydded yrru'r ymgeisydd, nad yw ar ffurf cerdyn-llunWedi'i gyhoeddi yn y Deyrnas Unedig neu Dibynwledydd y Goron yn unig 
trwydded yrru’r ymgeisydd y a roddwyd y tu allan i’r Deyrnas Unedig neu Dibynwledydd y Goron, sydd â llun o'r ymgeisydd Rhaid bod yn ddilys am o leiaf 12 mis o'r dyddiad y daeth yr ymgeisydd i'r Deyrnas Unedig  

 

Tabl 3: Dogfennau Hanes Ariannol a Chymdeithasol4
DogfenNodiadau

datganiad ariannol, gan gynnwys y canlynol ond heb fod yn gyfyngedig iddynt—

  • datganiad morgais
  • cyfriflen gan fanc neu gymdeithas adeiladu neu lythyr gan fanc neu gymdeithas adeiladu yn cadarnhau bod yr ymgeisydd wedi agor cyfrif gyda'r banc neu'r gymdeithas adeiladu dan sylw
  • cyfriflen cerdyn credyd
  • datganiad pensiwn
Rhaid iddo gynnwys enw llawn yr ymgeisydd
llythyr neu ddatganiad galw am dalu'r dreth gyngorRhaid iddo gynnwys enw llawn yr ymgeisydd
bil cyfleustodRhaid iddo gynnwys enw llawn yr ymgeisydd
Ffurflen P45 neu Ffurflen P60 a gyflwynwyd i'r ymgeisydd gan ei gyflogwr neu gyn-gyflogwrRhaid iddo gynnwys enw llawn yr ymgeisydd
datganiad o fudd-daliadau neu hawl i fudd-daliadau, megis datganiad o fudd-dal plant, o fewn ystyr adran 141 o Ddeddf Cyfraniadau a Budd-daliadau Nawdd Cymdeithasol 1992, neu lythyr yn cadarnhau bod hawl gan yr ymgeisydd i gael budd-dal tai, o fewn ystyr adran 130 o'r Ddeddf honno Rhaid iddo gynnwys enw llawn yr ymgeisydd

Os na all etholwr domestig sy'n gwneud cais am bleidlais bost ddarparu'r mathau o dystiolaeth ddogfennol a nodir yn y canllawiau hyn, neu ddigon o'r mathau hynny, dylid gofyn iddo gyflwyno ardystiad i ategu ei gais.


Y broses eithriadau ar gyfer ceisiadau am bleidlais bost gan etholwyr tramor

Mae'r mathau o ddogfennau y gellir eu darparu i gadarnhau pwy yw ymgeisydd am bleidlais bost yn llwyddiannus os yw wedi'i gofrestru fel etholwr tramor yr un fath â'r rhai a nodir yn ein canllawiau uchod, ond gyda'r eithriad canlynol:

  • gall etholwyr ddarparu trwydded yrru ar ffurf cerdyn â llun a roddwyd yn rhywle heblaw am y DU neu un o Diriogaethau Dibynnol y Goron ac nid oes gofyniad mewn perthynas ag amseriad dilysrwydd y ddogfen honno
  • mae'n rhaid bod y dogfennau yn rhestr 3 wedi cael eu rhoi yn y Deyrnas Unedig neu yn un o Diriogaethau Dibynnol y Goron

Os na all etholwr tramor sydd wedi gwneud cais am bleidlais bost ddarparu'r mathau o dystiolaeth ddogfennol a nodir yn y canllawiau hyn, neu ddigon o'r mathau hynny, dylid gofyn iddo ddarparu ardystiad i ategu ei gais.


Y broses eithriadau ar gyfer ymgeiswyr sydd wedi'u cofrestru drwy ddatganiad gwasanaeth am eu bod yn briod neu'n bartner sifil i aelod o'r lluoedd arfog, yn un o Weision y Goron neu'n briod neu'n bartner sifil i un o Weision y Goron

Os bydd ymgeisydd am bleidlais bost wedi'i gofrestru drwy ddatganiad gwasanaeth am ei fod yn briod neu'n bartner sifil i aelod o'r lluoedd arfog, yn un o Weision y Goron neu'n briod neu'n bartner sifil i un o Weision y Goron a bod angen tystiolaeth ychwanegol arnoch i gadarnhau pwy ydyw, dylech ysgrifennu at yr unigolyn a gofyn iddo ddarparu un o'r dogfennau canlynol:5

  • pasbort yr ymgeisydd
  • cerdyn adnabod yr ymgeisydd a gyhoeddwyd yn yr Ardal Economaidd Ewropeaidd   .

Mae'n rhaid i'r ddogfen gael ei hardystio gan un o weision y Goron neu aelod o staff y British Council neu un o swyddogion y lluoedd arfog, ond nad yw'n briod nac yn bartner sifil i'r ymgeisydd.6

Nid oes proses eithriadau ar gyfer ymgeiswyr sydd wedi'u cofrestru drwy ddatganiad gwasanaeth fel aelod o'r lluoedd arfog. I gael rhagor o wybodaeth am y broses ardystio ar gyfer yr etholwyr hyn, gweler y broses ardystio ar gyfer ceisiadau am bleidlais bost.
 

Diweddarwyd ddiwethaf: 6 Mawrth 2026