Y prosesau eithriadau ac ardystio ar gyfer ceisiadau am bleidlais bost

Dylech ofyn i ymgeiswyr ddarparu tystiolaeth ychwanegol os bydd hyn yn angenrheidiol yn eich barn chi er mwyn cadarnhau pwy yw'r ymgeisydd.1 Gall hyn fod am y rhesymau canlynol:

  • nid yw'n gallu darparu ei rif Yswiriant Gwladol
  • ni ellir paru'r dynodyddion personol yn erbyn cofnodion yr Adran Gwaith a Phensiynau   

Gall y dystiolaeth ychwanegol hon fod ar ffurf dogfennau ategol sy'n cadarnhau bod yr ymgeisydd yn dweud y gwir am bwy ydyw, sef y broses eithriadau neu, os na wneir hynny, drwy ddarparu datganiad gan unigolyn arall yn cadarnhau pwy yw'r ymgeisydd, sef y broses ardystio.
 
Mae'r mathau o ddogfennau a'u nifer a chynnwys ardystiadau sy'n dderbyniol er mwyn cadarnhau pwy yw ymgeisydd yn amrywio yn ôl y categori o etholwr y mae'r ymgeisydd wedi cofrestru oddi tano.

Diweddarwyd ddiwethaf: 13 Rhagfyr 2023