Nid oes darpariaethau i'r etholwyr hynny sydd â phleidlais bost mewn etholiad penodol ganslo eu pleidlais bost. Fodd bynnag, gallant newid eu dull pleidleisio drwy gyflwyno cais newydd am bleidlais drwy ddirprwy erbyn 5pm, 11 diwrnod gwaith cyn yr etholiad, a fyddai'n disodli'r cais cynharach am bleidlais bost.
Gall pleidleiswyr post sydd â threfniant pleidleisio drwy'r post tymor hwy ganslo eu pleidlais bost ar unrhyw adeg a hyd at 5pm, 11 diwrnod gwaith cyn etholiad er mwyn bod yn weithredol yn yr etholiad hwnnw.1
Fodd bynnag, gan y gall papurau pleidleisio drwy'r post gael eu dosbarthu i etholwyr cyn gynted ag y bo'n ymarferol, ni chaniateir i etholwr sydd wedi cael ei bapur pleidleisio drwy'r post ac sydd wedi dychwelyd ei bapur pleidleisio drwy'r post wedi'i gwblhau ar gyfer yr etholiad ganslo na newid ei drefniadau pleidleisio absennol ar gyfer yr etholiad (oni bai fod y papur pleidleisio wedi'i ddychwelyd fel papur a ddifethwyd neu a gollwyd).2
Mae hyn hefyd yn wir yn achos etholwr sy'n pleidleisio drwy ddirprwy, lle mae gan ei ddirprwy bleidlais bost a'i fod eisoes wedi pleidleisio ar ran yr etholwr drwy ddychwelyd ei bleidlais ddirprwy drwy'r post wedi'i chwblhau.2