Gall etholwyr sydd â threfniant pleidleisio drwy'r post ar gyfer etholiad penodol sy'n penderfynu eu bod am gael trefniant pleidleisio drwy ddirprwy yn lle hynny, newid eu dull pleidleisio drwy gyflwyno cais newydd am bleidlais drwy ddirprwy erbyn 5pm, 11 diwrnod gwaith cyn yr etholiad. Byddai'r trefniant hwn i bleidleisio drwy ddirprwy yn disodli'r trefniant cynharach i bleidleisio drwy'r post.
Gall pleidleiswyr post sydd â threfniant pleidleisio drwy'r post tymor hwy newid eu dull pleidleisio o bleidlais bost i bleidlais drwy ddirprwy ar unrhyw adeg hyd at 5pm, 11 diwrnod gwaith cyn etholiad er mwyn bod yn weithredol yn yr etholiad hwnnw.1
Yr eithriad i'r gallu i newid trefniant pleidleisio drwy'r post i drefniadau pleidleisio drwy ddirprwy yw pan fydd y papur pleidleisio drwy'r post wedi'i gwblhau eisoes wedi'i ddychwelyd gan yr etholwr ar gyfer yr etholiad.
Mae ein canllawiau ar wneud cais i bleidleisio drwy ddirprwy yn cynnwys rhagor o wybodaeth am gynnwys cais i bleidleisio drwy ddirprwy.