Cynnal cofrestru etholiadol - Cymru

Etholiadau Senedd Cymru ac etholiadau llywodraeth leol 

Ni chaiff etholwyr sydd â phleidlais bost ar gyfer etholiad y Senedd neu etholiad llywodraeth leol penodol newid manylion dosbarthu eu pleidlais bost ond gallant gyflwyno cais newydd gyda chyfeiriad newydd ar gyfer anfon y bleidlais bost iddo.1  

Gall pleidleiswyr post presennol sydd â threfniant pleidleisio drwy’r post tymor hwy ofyn am ailgyfeirio eu pleidlais bost unrhyw bryd hyd at 5pm, 11 diwrnod gwaith cyn etholiad er mwyn iddi fod yn effeithiol yn yr etholiad hwnnw.2  Yr eithriad i hyn yw lle mae'r papur pleidleisio drwy’r post wedi'i gwblhau eisoes wedi'i ddychwelyd gan yr etholwr ar gyfer yr etholiad. 

Mae'n rhaid i'r cais gael ei wneud yn ysgrifenedig a gellir ei anfon drwy’r post, drwy e-bost neu ei roi â llaw i chi a rhaid iddo gynnwys:3    

•    enw llawn a chyfeiriad cofrestredig yr etholwr 
•    y cyfeiriad ailgyfeirio 
•    yr amgylchiadau sydd, neu a fydd, angen yr ailgyfeirio 
•    dyddiad y cais 

Rhaid i unrhyw gais i gael papurau pleidleisio drwy’r post wedi'u hailgyfeirio (oni bai eu bod yn etholwr sydd wedi cofrestru'n ddienw) nodi pam eu bod angen i'w papur pleidleisio gael ei anfon i'r cyfeiriad hwnnw.4

Ar gyfer etholiadau Senedd y DU ac etholiadau Comisiynwyr yr Heddlu a Throseddu sy’n deillio o drefniant Senedd y DU 

Ni chaiff etholwyr sydd â phleidlais bost ar gyfer etholiad penodol addasu manylion dosbarthu eu pleidlais bost, ond gallant gyflwyno cais newydd gyda chyfeiriad newydd i'r bleidlais bost gael ei hanfon iddo.

Gall pleidleiswyr post presennol sydd â threfniant pleidleisio drwy'r post tymor hwy ofyn am i'w pleidlais bost gael ei hailgyfeirio ar unrhyw adeg hyd at 5pm, 11 diwrnod gwaith cyn etholiad er mwyn bod yn weithredol yn yr etholiad hwnnw.5  Yr eithriad i hyn yw pan fydd y papur pleidleisio drwy'r post wedi'i gwblhau eisoes wedi'i ddychwelyd gan yr etholwr ar gyfer yr etholiad.

Rhaid i'r cais gael ei wneud yn ysgrifenedig a gellir ei bostio, ei gyflwyno â llaw neu ei anfon atoch drwy e-bost a rhaid iddo gynnwys y canlynol:6

• enw llawn yr etholwr a'i gyfeiriad cofrestredig
• y cyfeiriad ailgyfeirio
• yr amgylchiadau sy'n golygu bod angen, neu y bydd angen, ailgyfeirio'r bleidlais
• dyddiad y cais

Os caniateir cais i ailgyfeirio pleidlais, rhaid i chi gadarnhau hyn i'r etholwr yn ysgrifenedig ei gyfeiriad cofrestredig.7