Cynnal cofrestru etholiadol - Cymru

Ni all etholwyr sydd â phleidlais bost ar gyfer etholiad penodol addasu’r cyfeiriad yr anfonir eu pleidlais bost iddo, ond gallant gyflwyno cais newydd gyda chyfeiriad newydd i’r bleidlais bost gael ei hanfon iddo.1

Gall pleidleiswyr post presennol sydd â threfniant pleidlais bost am y tymor hwy ofyn i’w pleidlais bost gael ei hailgyfeirio unrhyw bryd hyd at 5pm, 11 diwrnod gwaith cyn etholiad er mwyn iddo fod mewn grym ar gyfer yr etholiad hwnnw.2   Yr eithriad i hyn yw lle bo’r papur pleidlais bost wedi’i lenwi eisoes wedi cael ei ddychwelyd gan yr etholwr ar gyfer yr etholiad.

Mae’n rhaid i’r cais gael ei wneud ar ffurf ysgrifenedig ac mae modd ei bostio, ei ddanfon â llaw neu ei anfon drwy e-bost atoch, ac mae’n rhaid iddo gynnwys:3

• enw llawn a chyfeiriad cofrestredig yr etholwr
• y cyfeiriad ailgyfeirio
• yr amgylchiadau sydd angen, neu a fydd angen, yr ailgyfeiriad
• dyddiad y cais

Mae’n rhaid i unrhyw gais ar gyfer ailgyfeirio papurau pleidleisio post (oni bai ei fod yn etholwr sydd wedi cofrestru’n ddienw) nodi pam fod yr ymgeisydd angen i’w bapur pleidleisio gael ei anfon i’r cyfeiriad hwnnw.4

Lle bo cais i ailgyfeirio wedi cael ei ganiatáu, mae’n rhaid i chi ysgrifennu at yr etholwr i gadarnhau hyn a’i anfon i’w gyfeiriad cofrestredig.5